"МЕКТЕПКЕ ЖОЛ-ШЕКАРАСЫЗ ЖАҚСЫЛЫҚ" РЕСПУБЛИКАЛЫҚ АКЦИЯСЫНА ЖАҚСЫЛЫҚ ЖАСАП ЖАРЫСАЙЫҚ! Қазақстан Республикасы Оқу-ағарту министрлігінің 2022 жылғы 20 шілдедегі №6-15-2/3135-И хаты негізінде 2022 жылдың 1 тамызы мен 30 қыркүйек күндері аралығында «Мектепке жол» Республикалық акция өтетінін хабарлайды. Ағымдағы жылы бұл әлеуметтік бағытталған министрліктің бастамасы "Мектепке жол-шекарасыз жақсылық" ұранымен өткізіледі. Аталмыш шараның мақсаты: балалардың жаңа оқу жылына дайындық кезеңінде көмек көрсету және әлеуметтік себептер бойынша балалардың мектепке бармауының алдын –алу үшін материалдық және басқа да көмек көрсету. Балалар - біздің болашағымыз. Сондықтан, «Мектепке жол» акциясына үкіметтік емес ұйымдарды, кәсіпкерлерді және мемлекеттік органдарды, аудан халқын акцияға белсене қатысуға, әлеуметтік қолдауды қажет ететін отбасы балаларына қолдау көрсетуге шақырамыз. Қараөткел ауылының мектеп-гимназиясының Қамқоршылық Кеңесінің төрайымы М.К. Сыздыкованың белсенділігімен мұқтаж отбасыларға әрдайым көмек жасалып жатыр. Қамқоршылық Кеңестің отырысында «Мектепке жол» акциясының жоспары мен алдағы атқарылатын жұмыстары талқыланды. Бірлесіп жақсылық жасап, белсенді болайық!